Meclisa Edaleta Civakî ya bajarê Kobanê 19 girtiyên ketîn ber lêborîna giştî ya Rêveberiya Xweser ya bakur û rojhilatê Sûriyê derxistî, hatin berdan.
Rêveberiya Xweser ya bakur û rojhilatê Sûriyê biryara ji bo sûcên berî 10’ê Cotmeha 2020’an hatîn kirin, lêborîna giştî derxist. Li ser biryarê Meclisa Edaleta Civakî ya bajarê Kobanê 19 girtî yên destê wan neketî xwîna sivîlan, berdan.
Di berdana girtiyan de, nûnerên Meclisa Rûspiyan, Meclisa Sûriya Demokratîk (MSD), Meclisa Kar û Barên Edalet ya Herêma Firatê amade bûn.
Piştî berdana girtiyan, endama rêveberiya Komîteya Têkiliyan ya Herêma Firatê Merwa Dirêî daxuyaniya Rêveberiya Xweser ya derbarê lêborînê de xwend.
Li bajarê Qamişlo jî îro roja Pêncşemê 100 girtî hatin berdan. Li gorî daxuyaniya MSD’ê dê 631 girtiyên din wê werin berdan.
