Li gorî rojnameyeke Israîlê, piştî ku hikumeta Şamê peymana bidawîkirina rageşiya di navbera Israîl û Şamê de binpê kir, artêşa Israîlê 2 nuqteyên hêzên hikumeta Şamê yên li ser sînor roxandin.
Rojnameya The Jerusalem Post ya Israîlê ragihand ku hêzên taybet ên artêşa Israîlê derbasî herêma bêçek a di navbera Israîl û Sûriyê de bûn û du nuqteyên artêşa Sûriyê roxandin.
Rojnameyê diyar kir ku piştî binpêkirina domdar a Şamê ya peymana bidawîkirina rageşiya di navbera her du welatan de ya sala 1974`an, ev çalakî pêk hat. Li gorî peymanê, nabe ku herêma tampon a li ser sînorê Israîl û Sûriyê bê dagîrkirin, lê belê wê hêzên taybet ên girêdayî NY`yê yên bi navê “hêzên bidawîkirina rageşiyê” tê de bimînin.
Israîlê 2 nuqteyên hêzên hikumeta Şamê yên li ser sînor roxandin
