Zanîngeha Rojava ji bo bilindkirina asta zanîngehê mamosteyan beşa Enstîtûya (xwendina bilind) Zanistên Civakî vekir.
Yekşema borî bi amedebûna mamoste û xwendekarên zanîngehê, Zanîngeha Rojava beşa Enstîtûya Zanistên Civakî vekir.
Beşa Enstîtûya Zanistên Civakî wê li ser 3 salan be, niha hejmara xwendekarên wê 14 ne. Ji ber ku mamosteyên beş hemû ji derveyî herêmê ne wê perwerde bi rêya sîstema Online we re dayîn.
Spasî ji helwesta zanistê Ensirobiyolojiya Dêvîd Graeber û biştgiriya wî ji şoreşa Bakur û Rojhilatê Sûriyê re, hola enstîtûyê li ser navî wî hat tomarkirin.
Dêvîd Graeber di 9`ê Îlona borî de, di encamê nexweşiyê de jiyana xwe ji dest da.
Di vekirina beşê enstîtûya de hevserokê Rêveberiya Zanîngeha Rojava Ebdullah El-Mistefa axivî.
El-Mistefa da zanîn ku hêvî û armanca wan ji vekirina wan ji wî beşî re ew ku asta akadimiyê di zanîgehê de bilind bikin û got: “Wek gav hat dayîn ku me gelek lêkolîn kirin ku em êdî dest bi xwendin bilind bikin, sîstema perwerdeyê ya vê beşşî hat nivîsandin û0 komîteyên wê baş hatin avakirin”.
El-Mistefa diyar kir ku wê xwendekar û mamosteyên zanîngehê jî tev li proseyê bibin û got: “Yek ji armancên vekirina enstîtûya Zanistên Civakî ew e ku lêkolîn werin kirin, ev enstîtûyî jî li hêla xwendina master ve diçe ku di rojên pêş de em ê li ser bixebitin”.
Piştî axaftinê hevserokatî û xwendekarên enstîtûya Zanistên Civakî derbasî hola enstîtûyê bûn, piştre di rêya Skaypê re serokê beş D.Serdar Sedî axivî.
Sedî kêfxweşiya xwe derbarê vekirina beş de nîşan da û li xwendekaran pîroz kir her wiha serkeftin ji wan re xwest.
Derbarê mijarê de xwendekara bi navê Bêrîvan Mecîd ji ANHA’yê re da zanîn xwendina bilind ji wan re xew in û xeyal bû û got: “Ev beş ked jê re divê, hetanî ku ji me bê divê em lêkolînan li ser civaka me û civakên din çêkin.”
