55 hunermendên Kurd yên li Ewropa li pêngava KCK’ê xwedî derketin û ji bo Rêberê Gelê Kurd Abdulah Ocan stiran gotin.
Hunermendên Kurd yên li Ewropa, ji bo pêngava ‘Bes e Ji Tecrîd, Faşîzm û Dagîrkeriyê re; Dem Dema Azadiyê ye’ û ‘10’ê Cotmehê Roja Cîhanî ya Azadiya Ocalan’ li Bajarê Kolnê yê Almanya hatin cem hev. Di merasima bi navê ‘Hunermend stiranên xwe ji bo Rêber Apo dibêjin’ ku ji aliyê TEV-ÇAND Ewropa ve hatibû organîzekirin de 55 mûzîkjenên Kurd, bi awayê koro sirûda ‘Ey Serokê me’ û ‘Doza me’ yên Koma Berxwedan pêşkêş kirin.
HUNERMEND TEVLÎ PÊNGAVÊ DIBIN
Berî merasimê Xelîl Xemgîn li ser navê hunermendan daxuyaniyek da û wiha got: “Em tevayiya Kurdan û dostên wan yên her çar aliyên cîhanê bi hestên xwe yên hunerî silav dikin. Em hunermendên Kurd pêngava ‘Bes e ji Dagirkeriyê, Dem dema Azadiyê ye’ ya Tevgera Azadiya me îlan û destpêkirî, em bi têkoşîn, berhem û hemû hestên xwe ve tevlî dibin. Em dibêjin ku ‘Niha dem dema azadiya Rêber Apo ye. Rêber Apo ne tenê rêberê Kurdan, rêberê hemû Mirovahî û gelên Rojhilata Navîn e. Çareseriyê pêş dixe, çareseriya aşîtî û azadiyê pêş dixîne. Rêber Apo bi taybetî jî ji bo hunermendan hêzeke mezin e. Hem bi awayê felsefîk, hem îdeolojîk, hem jî ji bo naskirina me ya ji hêza rasteqîn a hunerê, ji bi me derfetekî mezin afirand. Tesbîta Rêber Apo ya ‘Hunermend, wijdana civakê ye. Dema civakek bikeve nava metirsiyê, beriya her kesî hunermend vê yekê hîs dike’ ji bo me hemûyan pir watedar e. Ji ber wê jî divê partî, fraksyon û fikrên cuda bêyî ku ferq û cudahiyê li ber çav bigrin tevlî pêngava nû û ‘10’ê Cotmehê Roja Cîhanî ya Azadiya Ocalan’ bibin.”
Navên hunermendên tevlî merasimê bûyîn wiha ne:
“Hozan Comerd, Emekçi, Hozan Maruf, Dilovan, Cevad Merwanî, Deniz Deman, Jîyan Osman, Dîyar Dersim, Kewe Zeraq, Evîn, Tûlay Şahmeran, Narînxan Cizîrî, Beser Şahîn, Dîcle Urmiye, Afaq Rojhilatî, Binewş Roj, Memo Gûl, Memo Yapiştiran, Mazlum Rewşen, Nuarîn, Dîyar Dersîm, Xelîl Xemgîn, Seyitxan, Hekim Sefkan, Gani Nar, Abbas Ahmed, Hozan Aydın, Simar, Hozan Welat, Sîphan Xelat, Amed Karakoçan, Peyvan Arjîn, Kawa, Yasîn Boyraz, Ali İkizer, Mehmet Per, Kemal Ceylan, Bengi Agiri, Kawa Urmiye, Baran Rojawa, Tîtal, Bîşar, Rewî, Êgît, Hozan Zahir, Selhat Gımgim, Farqin Azad, Serdar Azad, Fevzî Kiliç, Hûner Ayzon, Sûleyman Rengîn, Reber, Hemid Urmîye, Yeqîn.”
