Bûyerên kuştinê yên bi destê jinên DAIŞ’î yên li kampa Holê zêde dibin. Penaberekî din yê iraqî li kampa Holê bi guleyekê hat kuştin.
Penaberekî iraqî li beşa duduyan ya kampa Holê, bi guleyekê hat kuştin. Penaberê hatî kuştin navê wî Basim Hedî Muhsên e û roja şemiyê hatiye kuştin.
Li gorî rayedarên kampê, berpirsên bûyerên kuştinê yên li dijî penaberên ji Iraqê û kesên ku fikra DAIŞ’ê qebûl nakin, jinên DAIŞ’ê ne.
Herwiha berî hingê bi rojekê jî penaberê iraqî Salih Ebû El-Xetab yê 27 salî bi çekeke bêdeng hatibû kuştin.
