Koordînasyona Kongreya Star şehîd Hevrîn Xelef û dayîka Eqîde bîr anîn û bang li jinên cihanê kir ku li hemberî êrişên hovane û bêbext bisekinin û ji bo azadiyê helwesteke dîrokî bigirin.
12’ê Cotmeha 2019an, Sekreterya Giştî ya Partiya Sûriya Pêşerojê Hevrîn Xelef ji aliyê çeteyên Tirkiyê ve hat kuştin.
Koordînasyona Kongreya Star bi pêmana salvegera yekê ya şehadeta Hevrîn Xelef û dayîka Eqîde daxuyaniyek nivîskî weşand.
Daxuyanî wiha ye:
“9’ê Cotmeha 2019’ê, êriş û planên dagîrkeriya dewleta tirkî û hevkarên wê yên li ser bakur û rojhilatê Sûriyê dayîn destpêkirin, hê dewam dikin û ji bo rakirina sîstema neteweya demokratîk bi dijwarî xwînxariya xwe didomîne û bi şerê taybet êrişên xwe dide meşandin.
Di salvegera şehadeta hevala Hevrîn û Dayê Aqide de, em şehîdên Serê Kaniyê bi rêzdarî bîr tînin û bi dilsoziya xwe ya ji bo pêkanîna şoreşa gelên demokratîk, bênavber didomînin. Emê bi hezaran li ser xeta wan ya ideolojiya azadî û demokrasiyê bişopînin û xewn û xeyalên wan bi cih bînin .”
Kongreya Star şehîd Hevrîn Xelef û dayîka Eqîde bîr anîn
