Saziya Birîndarên Şer ya Herêma Efrînê piştgiriya xwe ji pêngava ku KCK`ê ji bo azadiya rêber Abdullah Ocalan û redkirina siyaseta dewleta tirkî li dijî gelê Kurd dest pê kiriye, ragihand.
KCK`ê 12 ê Îlona derbasbûyî bi durişma “Na ji tecrîdê, faşîzmê û dagîrkeriyê re, dem dema azadiyê ye” pêngavek ragihand û bang li tevayiya gelê herêmê kir ku tev li pêngavê bibin.
Di vê çarçoveyê de gelek saziyan piştgiriya xwe ji pêngavê re nîşan da. Di vê çarçoveyê de, Saziya Birîndarên Şer a Herêma Efrînê daxuyaniyek da û piştgiriya xwe ji pêgavê re nîşan da.
Bi dehan endamên saziyê li qada Kampa Berxwedan a navçeya Fafînê ya Kantona Şehbayê kom bûn û wêneyên rêber Abdullah Ocalan rakirin. Endamê Komîteya Perwerdeya Civaka Demokratîk Abdulhemîd Xilêf daxuyanî bi zimanê Kurdî xwend.
Daxuyanî wiha ye:
“Em wekî saziya gaziyan piştgiriya xwe ji pêngava ku KCK`ê ragihandiye nîşan didin. KCK`ê banga rakirina tecrîda li ser Abdullah Ocalan dike û em jî bi rêya xwe bang li gelên xwe yê gewre dikin ku destekê bidin KCK`ê ji ber ew tekane hêviyên me ye û divê tevahiya biryarên wê pêk werin.
Em li hemberî gelên xwe, şehîdên azadiya Kurdistanê, rêber Ocalan û li hemberî KCK`ê soza bilindkirina asta têkoşîna xwe nû dikin.”
