Rêxistina Mafên Mirovan ya Efrîn-Sûriyê sûcên artêşa Tirk û çeteyên wê yên meha Îlona derbasbûyî li kantona Efrînê kirîn, belge kirin û diyar kir ku 2 sîvîl hatine kuştin, 84 kesên din jî hatin revandin.
Têkildarî sûcên artêşa Tirk û çeteyên wê yên li dijî welatî û xwezaya Efrînê ya dagîrkirî yên meha Îlonê, Rêxistina Mafên Mirovan ya Efrîn-Sûriyê daxuyaniyek da.
Daxuyanî li Kampa Serdem a li kantona Şehbayê bi zimanê kurdî ji hêla endama rêxistinê Wefaa Bekir ve û bi zimanê erebî jî ji hêla endama rêxistinê Heyhan Elî ve hate xwendin.
Daxuyanî wiha ye:
“Meheke biêş û sûcdariyan li arşîva dagîrkeriyê û komên pê ve girêdayî yên ji Sûriyê zêde dibe. Li bajarê Efrînê sûcên li dijî sîvîlên Kurd dewam dikin. Di meha Îlona 2020`an de sûcê kuştin, revandin û işkenceyê, bi zora çekan zewicandina keçên malbatên Kurd bi endamên komên çeteyan re, hatin belgekirin.
Li deverên bajêr darên zeytûnan û yên daristanî hatin qutkirin, agir bi daristanan xistin û ji ber wê gelek rûber hatin şewitandin. Di heman demê de hêzên artêşa Tirk ji bo dîrok û şaristaniya Kurd a vî bajarî tune bike, şûnwarên talan dike û bi darê zorê sivîlan ji malên wan derdixe.
Meha Îlon Sîvîlek û zarokek bi guleyan hatin kuştinin. 84 welatî jî hatin revandin û bermaberî bardana 14 kesan ji wan, fîdye hat dayîn, di nav de 8 jin û zarok in.
