Bi sedan şêniyên bajarê Qamişlo cenazeyê şehîdê Hêzên Erkê Xweparastinê Enes Sitêf li goristana Şehîd Delîl Saroxan spartin axê.
Bi sedan şêniyên bajarê Qamişlo û navçeyên wê cenazeyê şervanê Hêzên Erkê Xweparastinê Enes Sitêf ku 2’yê Cotmehê li ser erkê xwe şehîd bûbû, bi merasîmekê li goristana Şehîd Delîl Saroxan veşartin.
Di merasimê de li ser navê Meclisa Malbatên Şehîdan a Qamişlo Emar Mûsa sersaxî ji malbata şehîd re xwest û got, xwîna Kurd, Ereb û Sûriyan di ber vê xakê re tev li hev bû û biratiya gelan, jiyana hevbeş ava kirin.
Pişt re nasnameya şehîd hat xwendin û radestî malbatê hat kirin.
Hevalên çekê yên şehîd cenazeyê hevalê xwe di nava tîlîliyên dayîkan û durişman de spartin axê.
