Fermandarê giştî yê QSD’ê Mezlûm Ebdê li ser wefata emîrê dewleta Kuweytê Sebah El-Sebah bi peyamekê sersaxî da gelê Kuweytê
Dîwana emîrê Kuweytê roja Sêşemê bi daxuyaniyekê wefata emîrê welat Şêx Sebah Ehmed Cabir El-Sebah ragihand. Şêx Sebah Ehmed Cabir Sebah ji Tîrmeha borî ve li nexweşxaneyeke DYA dihat tedawîkirin.
Bi vê pêmanê, fermandarê giştî yê Hêzên Sûriya Demokratîk (QSD) Mezlûm Ebdê bi twittekê sersaxî ji gelê Kuweytê re xwest.
Ebdê di peyama sersaxiyê de wiha got: “Bi xemgînî me agahiya wefata emîrê dewleta Kuweytê Şêx Sebah Ehmed Cabir El-Sebah bihîst. Em ji gelê Kuweytê re sersaxiyê dixwazin. Ji ber keda dewleta Kuweytê ya piştgiriya gelê me li ser astên mirovî û siyasî bi taybetî di nava Koalisyona Navneteweyî ya li dijî DAIŞ’ê de em spas dikin.”
Mezlûm Ebdê ji ber wefata emîrê Kuweytê, sersaxî ji gelê Kuweytê re xwest
