Di demekê de ku şerê di navbera hêzên hikumeta Şamê û çeteyan de dewam dike, balafirên şer yên Rûsya li dijî çeteyên DAIŞ`ê yên li çola Sûriyê bombebaran dijwartir kirin.
Balafirên şer yên Rûsya nuqteyên çeteyên DAIŞ`ê yên li çola Sûriyê yên li sêkoşeya Hema, Heleb û Reqa topbaran kirin û li çolê di navbera çeteyên DAIŞ`ê û hêzên hikumeta Şamê de şer derdikeve.
Berî niha Navenda Çavdêriya Mafên Mirovan a Sûriyê (SOHR) diyar kiribû ku li çola Sûriyê balafirên Rûsyayê rojane digerin û herêmên ku çeteyên DAIŞ`ê lê hene, bombebaran dikin û çeteyên DAIŞ`ê jî êrişî nuqteyên hêzên hikumetê yên li deverên cuda yên çolê dikin.
DAIŞ li çola Şola ya rojavayê Dêrezorê heta bi çola Bokemal û rojhilatê wê, riya Dêrezorê, Meyadîn, riya Himêmîm, riya Tedmir a li rojhilatê gundewarên Humsê, herêma Resafa ya gundewarên Reqayê, rojhilatê gundewarên Hemayê û çola Siwêda di nava tevgerê de ye.
Di hefteyekê de li derdora 48 leşkerên hikumeta Şamê ji wan efser û endamên fermandar hatin kuştin, bi dehan birîndar bûn.
