Şêniyên kantona Kobanê û navçeya Girkê Legê û gundên wê li dijî êrişên artêşa Tirk a dagîrker daketin qadan û bi yek dengî gotin “Erê ji berxwedanê re” û bal kişandn ser xurtkirina têkoşîna ji bo azadiya rêber Abdullah Ocala.
Bi sedan şêniyên Girkê Legê, gundên wê û endamên saziyên civaka siîvîl li Qada Şehîd Xebat a Girkê Legê kom bûn û ber bi navenda navçeyê ve meşiyan.
Di mitînga piştî meşe de li ser navê Meclisa Giştî ya Partiya Yekîtiya Demokratîk (PYD) Ebdulkerîm Saroxan ku axivî got em dibêjin ji dagîrkeriya artêşa Tirk re na, ji bilindkirina asta berxwedanê re erê. Saroxan diyar kir ku her tim dewleta Tirk êrişî herêmên Bakur û Rojhilatê Sûriyê û Kurdistanê dike, li gel vê hin hêzên din jî hewl didin herêmê dagîr bikin.
Di dawiya axaftinê de Saroxan da zanîn ku li dijî gelê herêmê plan hene û hewl didin hebûna gelê Kurd û nasnameya wî tine bikin. Ji ber wê divê em parastina destkeftiyan bikin.
KOBANÊ
Partiya Yekîtiya Demokratîk (PYD) li kantona Kobanê di çarçoveya pêngava “Ji dagîrkeriya artêşa Tirk re na, ji parastina destkeftiyên şoreşê re erê” li dijî sûcên artêşa Tirk ên li herêmên dagîrkirî meşek li dar xist.
Bi sedan welatî, endamên saziyên sîvîl ji Qada Jina Azad a Kobanê dest bi meşê kirin û ber bi Qada Aştiyê ve çûn.
Di mitînga piştî meşê de Hevserokê Rêveberiya Xweser a Demokratîk a herêma Firatê Mihemed Şahîn ku axivî bal kişand ser girîngiya parastina destkeftiyên Şoreşa Rojava yên ku bi saya şehîdan hatine bidestxistin û got, “Ji bo ku em parastina destkeftiyên xwe ji artêşa Tirk bikin divê em cihê xwe di nava pêngavê ‘Na ji artêşa Tirk re û erê ji parastina destkeftiyên şoreşê re’ bigirin.”
Herwiha hevseroka Meclisa PYD`ê ya kantonê Bêrîvan Hesen jî got, li hemberî sûcên artêşa Tirk ên li herêmên dagîrkirî cîhan bêdeng e. Ji ber wê divê gel li hemberî artêşa dgîrker û sûcan bêdeng nemîne û tevlî pêngavê bibe.”
