Holanda ragihand ku ji ber sûcên dawî yên li dijî mafên mirovan, işkence û bikaranîna çekên kîmyayî li dijî hikumeta Şamê dozekê amade dikin.
Li gorî Reutersê, Wezîrê Karê Derve yê Holanda Steve Block, roja Şemiyê bi peyamekê ji parlamentoyê re got welatê wî li dijî hikumeta Şamê ji bo Dadgeha girêdayî NY dozekê amade dike. Di peyamê de tê gotin ku wê derbarê Serok Beşar Esed de ji ber binpêkirinên li dijî mafên mirovan, işkence û bikaranîna çekên kîmyayî lêpirsîn bê vekirin.
Reutersê da zanîn ku Şam ji vê pêngava qanûnî hatiye agahdarkirin.
Steve Block wiha domand: “Holanda îro biryara berpirsiyartiya Sûriyê ya binpêkirinên li dijî mafên mirovan û işkencekirinê, ragihand.”
Di peyamê de tê eşkerekirin ku divê Sûriye li gorî piştgiriya peymana NY ya li dijî şidetê ya ku Şamê 2004’an imze kiriye, tev bigere.
