YPG’ê ragihand ku şervanê wan Agir Kobanê 11’ê Îlonê di qezayeke perwrdeyê de şehîd bûye û sersaxî ji malbata wî û gel re xwest.
Navenda Ragihandin û Çapemeniyê ya YPG’ê da xuyakirin ku şervanê wan Agir Kobanê (Zekeriya Cimo) 11’ê Îlonê de di qezayeke perwerdeyê de şehîd bûye.
Di daxuyaniya YPG’ê de wiha hat gotin: “Hevrê Agir Kobanê, di demekê de ku li dijî şoreşa Rojava û bakurê Suriyê êrîşên dagîrkerî û qirkirinê çêdibûn tevlî refên têkoşîna me bû. Bi kesayeta xwe ya kedkar bû xwediyê helwesteke pêşeng. Ji bandora kevneşopiya çanda berxwedêr a gelan, hevrê Agir jî bi vê çanda berxwedêr li dijî her cure êrişkarî û paşverûtiyê têkoşîn meşand. Hevrê Agir di şerê me yê berxwedanê de erk û berpirsyariyên girtîn, bi dilsoziyeke mezin bi cîh anîn. Em di şexsê hevrê Agir Kobanê de şehîdên şoreşê bîr tînin. Ji malbata şehîdê xwe û gelê xwe re sersaxiyê dixwazin.”
Nasnameya şehîd wiha ye:
Nasnav: Agir Kobanê
Nav û Paşnav: Zekeriya Cimo
Navê Dayîkê: Yeşar
Navê Bav: Nûredîn
Cih û dîroka şehîdbûnê: Hesekê, 11 Îlonê 2020
