Koalisyona Navneteweyî ya li dijî DAIŞ’ê ragihand, ku plan dike ku alavên nû yên şer li herêmên Bakur û Rojhilatê Sûriyê belav bike û ji bo misogerkirina têkbirina DAIŞ’ê xebata xwe ya bi QSD’ê re bidomîne.
Berdevkê Operasyona Çareseriyê ya Xwezayî ya girêdayî Koalisyona Navneteweyî ya li dijî DAIŞ’ê mîralay Wayne Marotto di daxuyaniyekê de got, Operasyona Çareseriya Xwezayî (CJTF-OIR) ji bo misogerkirina têkbirina DAIŞ’ê wê hevkariya xwe bi şirîkên xwe yên herêmî yên li Sûriyê (QSD) re bidomîne.
Marotto diyar kir ku tevî binkeftina DAIŞ’ê xetera wê hê heye.
Berdevkê Operasyona Çareseriyê ya Xwezayî eşkere kir ku ji bo misogerkirina parastina Hêzên Koalisyonê û parastina tevgera wan da operasyonên li dijî DAIŞ’ê bi ewleyî bidome, plan dikin ku makîneyên xwe, di nav de wesaitên şer ên Bradley li Sûriyê belav bikin.
Koalisyona Navneteweyî plan dike ku alavên nû yên şer li Bakur û Rojhlatê Sûriyê belav bike
