Piştî bûyerên fitneyê yên li gundewarê Dêreozêr ji bo parastina ewleyiya herêmê, ji qebîleya Igêdat a li Dêrezorê 125 ciwan tevlî refên Hêzên Sûriya Demokratîk (QSD) bûn.
Ciwanên tevlî QSD’ê bûyîn wê 45 rojan perwedeya siyasî, fikirî û leşkerî û bikaranîna çekan bibînin.
Li gorî fermandariya leşkerî ya Akademiya Şehîd Egîd a Dêrezorê “Piştî bûyerên li gundewarê Dêrezorê weke şêx Metreş El-Hefel û hewldanên derxistina fitneyê ji aliyê rejîma Sûriyê û Tirkiyê ve, ciwanên qebîleya Igêdat xwestin parastina ewleyiya herêmê xurt bikin û li hemberî terorîst û kesên ku hewl didin aramiya herêmê xerab bikin bisekinin.”
Elî El-Celûd ê ji qebîleya Igêdat got, piştî zêdebûna bûyerên kuştina sembolên herêmê, biryar daya ku tevlî Hêzên Sûriya Demokratîk bibe.
Umer Ebdullah El-Cerwan û Mûsa Xelef jî heman tişt gotin û diyar kirin ku ji bo parastina ewleyiya herêmê wê bibin mertal û destkeftiyên şehîdan biparêzin.
Piraniya ciwanên tevlî QSD’ê bûyîn ji bajarokê Şihêl yê gundewarê rojhilatê Dêrêzorê ne.