Dezgeha Dadê ya Îranê ya li parêzgeha Farisê darvekirina kesekî bi sûcdariya kuştina Zîndanî Edil Ebadî Şîraz ragihand. Çapemeniya Îranê eşkere kir ku kesê hatî darvekirin werzişvanê binavûdeng ê Îranê Neqîd Efkarî ye.
Parêzerê malbata Efkanî li ser hesabê xwe yê twitterê ragihand ku darvekirina Neqîd Efkarî hatiye piştrastkirin û ji malbata wî re jî hatiye gotin.
Neqîd Efkarî û du birayên xwe bi hinceta tevlîbûna xwepêşandanên par, ji aliye hêzên Îranê ve hatin girtin. Piştî ku cezayê darvekirinê lê hat birîn, bû rojeva rêxistinên mafên mirovan. Xwestin cezayê wî pêk neyê. Rêxistina Efûyê ya Navneteweyî (Amnesty İnternational) jî li ser mijarê hişyarî dabû.
Rejima Îranê werzişvanek darve kir
