Hêzên hikumeta Sûriyê herêmên li çiyayê El-Zawiyê topbaran kirin. Herwiha hêzên Rûsya jî çiyayê El-Ekrad li gundewarên Laziqiyê bombebaran kirin.
Navenda Çavdêriya Mafên Mirovan a Sûriyê (SOHR) da zanîn ku balafirên şer ên Rûsya girên Kibanê yên li çiyayê El-Ekrad ê bakurê bejayiya Laziqiyê bombebaran kirin.
SOHR`ê herwiha diyar kir ku hêzên hikumeta Sûriyê careke din herêmên El-Fitêra, Sifûhan, Kansefra, derdora El-Bara û herêma Sercela ya şûnwarî yên girêdayî çiyayê El-Zawiye topbaran kirin. Lê encama topbaranê nehat zanîn.
Balafirên Rûsya yên bêpîlot li asîmanê gundewarên başûr û rojhilatê Idlibê digerin.
Balafirên Rûsya çiyayê El-Ekrad bombebaran kirin
