Ciwanên Şehba beşdarî pêngava “Emê teqez bi ser bikevin’’ bûn

Tevgera Ciwanên Şoreşger a Sûriyê ya kantona Şehba bi daxuyaniyekê beşdariya xwe ya pêngava “Emê teqez bi ser bikevin” ragihand.
Daxuyanî bi beşdariya bi dehan endamên tevgerê li gundê Hasîn a kantona Şehba ji aliyê endamê tevgerê Zu El-Feqar Welo ve hat xwendin.
Zu El-Feqar Welo got, “Şerê ku ev bi salan e didome her kesî dike hedef. Armanc ji van şeran pêkanîna berjewendiyên hêzên kapîtalîst e û guhertina demografîk a gelên herêmê ye. “
Di daxuyaniyê de hat gotin: “Em ciwanên şoreşger ên kantona Şehba emê hevgirtin û rêxistina xwe mezin bikin, da ku ciwanekî şoreşger ava bikin û rêgez û pîvanên giştî li gorî felsfeya Apo bikin. Em soz didin ku emê pişgtigriyê bidin berxwedana li başûrê Kurdistanê û Heftenînê.”