Şêniyên navçeya Eyn Îsa Rûsya ji kuştna welatiyê sîvîl Qasim Xelîl berpirsiyar girtin û gotin, tevî ku Rûsya parastina riya M4 girtiye ser xwe, dîsa jî sîvîl tên kuştin.
Roja Çarşemê dewleta Tirk a dagîrker li ser riya M4 welatiyê bi navê Qasim Xelîl ê ji navçeya Eyn Îsa kuştibû.
Ji şêniyên Eyn Îsayê Ebdullah Ehmed kiryarên hovane yên artêşa Tirk û çeteyên wê şermezar kirin û ji kuştina Qasim Xelîl Rûsya berpirsiyar girt. Lewre ew garantora parastina rê ye.
Riya navneteweyî ya M4 7 mehan hat girtin, lê piştî 25`ê Gulana îsal Rûsya berpirsyariya welatiyan girt ser xwe û rê ji bo derbasbûna erebeyên sîvîl hat vekirin.
Welatiyê bi navê Izet El-Herêmê yê ji şêniyên bajarokê Hêşê ya girêdayî navçeya Eyn Îsa jî got kuştina Qasim Xelîl rasterast berpirsyariya Rûsyayê ye, lewre li herêmê dewriyeyan bi rê ve dibe.
