Jiyan Bozo
Li Bakur û Rojhilatê Sûriyê her ku diçe Korona belavtir dibe. Ji ber wê fikarên gel û Rêveberiya Xweser jî zêde dibin.
Desteya Tenduristiyê ya Rêveberiya Xweser rewşa Korona ya li Bakur û Rojhilatê Sûrî rojane radigihîne. Li gorî agahiya dawiyê jimara nexweşan nûzîkî 300î bûye û nêzî bîst kesî jî mirine.
XEMSARÎ WÊ FELAKETEKE MEZIN BI SER ME DE BÎNE
Têkildarî mijarê Dr. Ûsama Îsa ji rojnameya me re wiha axivî: “Li Bakur û Rojhilatê Sûriyê metirsiya Koronavîrûsê her ku diçe pirtir dibe. Digel vê tirsê mixabin gel qet parastina xwe nake. Bi giştî bê maskeyên parastinê digerin. Li bajarê Amûdê jî Desteya Tenduristiyê ya Rêveberiya Xweser diyar kir ku du kes bi Kronavîrûs ketine. Lê mixabin welatiyên bajêr qet ne di wê xemê de ne û jiyana xwe normal didomînin. Herwiha li bajêr me du kesên bi Korana ketîn şiyar kirin. Her du kes pir rehat û bê maske li nexweşxane û navedên tenduristiyê tevan diğerin. Her çiqas me şiyar kirin jî lê mixabin hişk bi ser me de hatin û rêgezên tendurstiyê tevan binpê dikin.”
Dr. Ûsama Îsa axaftina xwe wiha bi dawî kir: “Metirsiya Koronavîrûsê her ku diçe pirtir dibe. Eger welatiyên Bakur û Rojhilatê Sûriyê bi vê xemsariyê tev bigerin, wê rê li ber felaketeke mezin bê vekirin. Bangewaziya min ji Rêveberiya Xweser re heye ku tedbîran pirtir bikin û her kes Ji bo xurtkirina hêza parastina bedena xwe av, fêkî û vîtamîna C bi kar bîne. Divê her kes xwe ji silava bi dest, himbêzkirin, maçkirin û qerebalixê dûr bigire. Herwisa divê maske û lepikan bi kar bînin. Kesên bi vê nexweşiyê dikevin divê bikevin karantîna û xwe û malbatên xwe biparêzin.”
