Berdevkê Komîteya Zanistî ya têkoşîna li dijî Koronavîrûsê ya Kobanê Dr. Elî Şahîn diyar kir ku 2 nexweşên Koronavîrûsê baş bûne û nexweşên din tên dermankirin.
Li bajarê Kobanê di vê dawiyê de gelek kes bi koronavîrûsê kertibûn. Ji ber wê Desteya Tendursitiyê ya bajêr, Komîteya Zanistî ya têkoşîna li dijî pandemiya cîhanî ava kir.
Li bajêr 8`ê Tebaxê kesê cara yekê bi Koronavîrûsê ketî hat belgekirin. Ew jî xwendekarek e ku ji herêma Cizîrê hatibû. Pişt re jimara nexweşan zêde bû û gihîşt 8 kesan.
Berdevkê Komîteya Zanistî ya têkoşîna li dijî Koronavîrûsê Dr. Elî Şahîn diyar kir ku li bajêr 8 kes bi koronavîrûsê ketine û got, 2 nexweş baş bûne. Nexweşên din jî di karantînayeke taybet de ne û tên dermankirin. Heta niha rewşa tevahiya nexweşan baş e.”
