Hêzên Ewlekariya Hundir 5 DAIŞ`iyên rûsî dema ku hewl didan ji kampa Holê birevin girtin.
Êvara Înê 5 jinên DAIŞ`î yên rûsî hewl dan ji kampa Holê birevin. Navên wan ev in (Victora Nicola û sê zarokên wê, Aisha Ahmed Khan xwedî zarokek ê, Marit Murad tevî du zarokên xwe, Aisha Mawlid ku berî niha di nava DAIŞ`ê de bû û lingekî wê hatiye qutkirin û Hawa Muslim dêya zarokekî ).
Jinên DAIŞ`î berî ji kampa Holê birevin bi kesekî qaçaxçî re li hev kirine. Lê dema Hêzên Ewlekariya Hundir plan kifş kirin yekser hewl dan birevin.
Rêveberiya Xweser di çarçoveya xweparastina ji Koronavîrusê de qedexeya derketina derve ragihand û kesên hewl didin jinên DAIŞ`î birevînin vê qedexeyê ji xwe re derfet dibînin.
Çavkaniyekî ji Hêzên Ewlekariya Hundir diyar kir ku kesên DAIŞ`iyan direvînin rasterast bi dewleta Tirkiyê ve girêdayî ne. Dewleta Tirk ji bo revandina jinên DAIŞ`ê ji kampa Holê planan çêdike û hewl dide wan derbasî xaka Tirkiyê bike û ji wir jî wan bişîne welatên wan.
