Dema hilbijartina pêşwext ya Iraqê diyar bû

Serokwezîrê Iraqê Mistefa Kazimî eşkere kir ku wê roja 6’ê Hezîrana 2021ê hilbijartina peşwext li Iraqê pêk were.
Serokwezîrê Iraqê Mistefa Kazimî ku 2 meh in dest bi wezîfeya serokwezîrtiyê kiriye, dema hilbijartina pêşwext eşkere kir. Kazimî di peyama xwe ya derbarê rewşa Iraqê de got, wê 6’ê Hezîrana 2021ê hilbijartina pêşwext pêk were.
Kazimî wiha axivî: “Ji bo ku welat ji destê kurtûlxweran rizgar bibe me dest bi çend guhertinên îdarî kiriye û kontrolkirina deriyên sînor mînak nîşan da.
Kazimî diyar kir ku dest bi pêngava hilberîna gazê kirine û destwerdana welatên cînar ya li Iraqê şermezar kir.
Serokezîrê Iraqê Mistefa Kazimî diyar kir ku rêbaza pêkanîna hilbijartinê dest pê kiriye û got wê 6’ê Hezîranê hilbijartina pêşwext pêk were. Kazimî ji parlamentoyê jî xwest yasaya hilbijartinê temam bike.