Hêzên dewleta Tirk ya dagîrker li gundewarê Til Temir yê nêzî riya M4 dîwarê beton datînin û xendekan dikolin.
Roja dewleta Tirk ya dagîrker û çeteyên bi navê “Artêşa Niştimanî ya Sûriyê” bajarê Serê Kaniyê û Girê Spî dagîr kirîn û gihatîn nêzî navçeya Til Temir ya kantona Hesekê, heta niha li dijî gelê herêmê kiryarên hovane dikin.
Ji wê demê ve bi dehan baregehên leşkerî hatine avakirin û bi çekên giran û hêzên Komandos yên Tirkiyê hatine amadekirin ku çete parastina wan dikin.
Dewleta Tirk ya dagîrker di demên dawn de dîwarê beton anîn gundewarên li ser xetên şer yên li ser riya navneteweyî (M4) ya rojavayê Til Temir.
Çavkaniyekê ji herêmê diyar kir ku dewleta Tirk kamyonan bi şev tîne da ji ragihandinê dûr be. Herwiha kolan û lêkirina satiran dike.
Heman çavkaniyê da zanîn ku dewleta Tirk satirên li ser baregeha xwe ya leşkerî ya li gundê Amiriyê yê nêzî riya (M4) rakirin û di hundirê baregehê de kolanê dike.
Çavkaniyeke leşkerî jî got dewleta Tirk di çend mehên derbasbûyî de ji gundê Erîşa heta gundê Dawidiyê yê rojavayê Til Temir xendekan dikole.