Rêxistina Heyva Sor ya Kurdî diyar kir ku 88 kes ku piraniya wan ji Qamişlo ne bi nexweşên Koronavîrûsê re dane û standine. Herwiha rêxistinê diyar kir ku ew kes di karantînayê de ne û rojane rewşa wan dişopînin.
Desteya Tenduristiyê ya Rêveberiya Xweser ya Bakur û Rojhilatê Sûriyê Pêncşema borî li bajarê Qamişlo di civîneke çapemeniyê de ragihadibû ku 4 kes bi Covid-19 ketine. Ji wan sisê li Qamilo, yek li Hesekê ye.
Derbarê mijarê de Heyva Sor ya Kurdî li gorî daxuyaniya roja Înê li ser malpera xwe ya fermî belav kirî, jimara kesên bi nexweşên Koronavîrûsê re têkilî danîn herî kêm 88 e. Li aliyekî din diyar kir ku ew kes hatin agahdarkirin ku wê heta 2 hefteyan di kakraknktînayê de bimînin.
Heyva Sor di daxuyaniya xwe de da zanîn ku piraniya 88 kesan ji bajarê Qamişloy ne. Heta niha ti nîşanên nexweşiyê li ser wan diyar nebûne. Tîma Hevya Sor ya Kurdî jî rojane rewşa nexweşan dişopîne.
