Komeleya Xwedîderketina li Zarokên Sêwî şahiyek li taxa Şêxmeqsûd ya Helebê li dar xist.
Şahî bi beşdariya bi sedan şêniyên taxa Şêxmeqsûd û Eşrefiyê li qada Cebanat ya beşa rojhilatê taxa Şêxmeqsûd hat lidarxistin.
Piştî deqeyeke rêzgirtinê Hevserokê komeleyê Mustefa Seydo bixêrhatina beşdaran kir û got, “Her çenda zehmet û rojên reş derbas bûbin, her çenda şer xwest bi ser bikeve lê di dawiyê de wê xêr bi ser bikeve.”
Mustefa diyar kir ku xebata wan ya piştgiriya madî û manewî ji bo zarokan dewam dike.
Endamê Hevgirtina Olan Şêx Elî El-Hesen spasiya komeleyê kir û wiha got: “Em dizanin ku alava şer ya qirêj êş û birîn li pey xwe hiştin. Yên herî zêde para xwe ji vê êşê girtîn zarokên sêwî ne. Xweda ferman daye ku em li zarokên sêwî xwedî derkevin. Eger ev zarok ji xizmên xwe dûr in, em xizmên wan in.”
Pişt re Koma Şehîd Barîn ya Dîlanên Folklkorî û Koma Kulîlkên Paşrojê ya Stiranan ya girêdayî navenda Çand û Hunerê ya Cemîl Horor ya Helebê berhemên xwe pêşkêş kirin.
Di dawiyê de diyarî li zarokên sêwî hatin belavkirin û xelekên govandê li ber stiranên şorşegerî hatin gerandin.
Li taxa Şêxmeqsûd ji bo zarokên sêwî şahiyek hat lidarxistin
