Fermandarê Artêşa Niştimanî ya Libya Xelîfe Hefter şeva berê da xuyakirin ku wê artêşa dewleta Tirk û çeteyên girêdayî wê ji Libya derxin.
Hefter di şahiya bidawîkirina perwerdeya beşeke nû ya serbazên Artêşa Niştimanî ya Libya de wiha got: “Dewleta Tirk ya dagîrker gefan li yekîtiya Libya û aramiya herêmê dixwe.”
Fermandarê artêşê diyar kir ku Tirkiye hewl dide dest dayne ser dewlemendiyên welêt û da zanîn ku artêş nahêle daxwaziya dewleta Tirk pêk were.
Fermandarê libyayî soz da ku wê têkoşîna li dijî êrişên Tirkiyê bidomîne, bi rêgezên niştimanî ve girêdayî be û dewleta Tirk ji Libya derxe.
Hefter da xuyakirin ku wê xebata avakirina hêzên çekdar ji bo parastina welat ji dewleta Tirk ya dagîrker bidomînin.
Berî çenda rojan, Enqere û hikumeta Wîfaqê peymaneke leşkerî imze kirin. Artêşa Libyayê jî da zanîn ku binpêkirina serweriya welat e.
Hefter: Emê dewleta Tirk ya dagîrker û çeteyên wê ji Libya derxin
