Şêniyekî efrînî ji ber işkenceya çeteyan jiyana xwe ji dest da

Welatiyê bi navê Ebdurehman Îbiş Biko yê ji gundê Kurzêlê yê navçeya Şêrawa ya bajarê Efrînê, berî du mehan ji hêla çeteyên Hemzet ve hat revandin û ji ber işkenceya lê hatî kirin, jiyana xwe ji dest da.
Welatiyê bi navê Ebdurehman Îbiş (38) berî du mehan bi destê çeteyên Hemzat yên girêdayî dewleta Tirk ya dagîrker li gundê Kurzêlê yê navçeya Şêrawa hat revandin.
Li gel rewşên dijwar ên girtîgehê, işkence û belavbûna nexweşiyan di girtîgehan de, ev welatî bi nexweşiyê ket, her wiha astengdar e û kêm dibihîze.
Piştî ku malbata wî fîdye da çeteyan, hat berdan, lê rewşa wî ya tenduristiyê di encama pêketina nexweşiya kolera û bêhntengbûnê de xirab bû. Herwiha piştî 20 rojan ya berdanê, jiyana xwe ji dest da.
Welatiyê bi navê Ebdurehman Îbiş yê bavê 3 zarokan, li xwaringehekê ya li navenda bajarê Efrînê kar dikir.