Jiyana li navçeyên kantona Efrînê li gorî koma çeteyan ya li wê navçeyê ye. Li gorî çavkaniyên ji herêmên dagîrkirî, çete malên welatiyan desteser dikin û mehane bacê ji wan dixwazin.
Piştî ku artêşa Tirk ya dagîrker û çeteyên wê kantona Efrînê 18`ê Adara 2018`an dagîr kirin, şêniyên Efrînê yên ji kantonê derneketî dibin hedefa êrişên dagîrkeran.
Zêdebûna asta van sûcan bi nêzîkbûna çeteyan ji istixbarata Tirkiyê ve girêdayî ye. Lê herêmên di binê dagîrkeriya çeteyên El-Amşat yên herî zêde rastî hovîtiyê tên, in. Bi taybetî li navçeya Şiyê.
18 gund (Alkana, Xelîl, Çeqela jorîn, Çeqela jêrîn, Çeqela navîn, Qermîtliq, Şîtka, Tirmîşa, Erenê, Hec Hesna Jorîn, Hec Hesna jêrîn, Remedanê, Hîkiçê, Merwaniyê jorîn, Merwaniyê jêrîn, Anqelê û Senarê) girêdayî navçeya Şiyê ne.
Çeteyên El-Amşat navçeya Şiyê dagîr kirine. Gundê Senarê û Hîkiçê tene di binê dagîrkeriya çeteyên Semerqend de ne. Ev çete zorê didin welatiyên resen ku wan bidin koçberkirin û çeteyan li şûna wan bicih bikin.
Şêniyên navçeya Şiyê di dojeha El-Amşat de dijîn
