Serokê Fransa Emmanuel Macron got, Tirkiye êdî bûye dewleta herî zêde mudexeleyî kar û barên Libyayê dike. Herwiha got, Tirkiyê sozên xwe yên girêdayî doza Libya binpê kirin.
Serokê Fransayê Emmanuel Macron û Serokwezîra Almanyayê Angela Merkel kongreyeke çapemeniyê li dar xistin. Macron got, Enqere rêzê ji sozên di Kongraya Berlînê ya têkildarî Libya dayîn nagire.
Macron diyar kir ku piştî kongrayê Enqere hebûna xwe ya leşkerî li Libya zêde kir, terorîst û çete şandin wir û got, “Tirkiyê aliyê derve yê yekê ye ku mudexeleyî Libya dike.”
Macron mudexeleya Tirkiyê bi hişkî şermezar kir û got, destwerdana Tirkiyê ya Libya berpirsiyariyeke cezayî û dîrokî dixe stûyê NATO ku divê bi rewşê re bide û bistîne.
Macron di nava gotinên xwe de bang li Enqere kir ku siyaseta xwe li hemberî Libya zelal bike, bi taybetî piştî da zanîn ku wê kêştiyên şer û hêzên leşkerî şandine Libya.
Macron diyar kir ku siyaseta Tirkiyê ya li Libya nayê qebûlkirin. Lewre gefek ji bo Afrîkay ye. Bi taybetî dostên Fransa li Tunis, Nicer û Misirê û Ewropayê ye.
