Rêveberiya Xweser bang li Rûsya û Emerîka kir: Helwesteke cidî diyar bikin

Rêveberiya Xweser a Bakur û Rojhilatê Sûriyê bang li Rûsya, Emerîka û NY kir ku li ser êrîşên dewleta Tirk helwesteke cidî nîşan bidin. Herwiha bang li gelên Bakur û Rojhilatê Sûriyê yên li hundir û derveyî welêt kir ku ji bo şermezarkirina êrîşên dewleta Tirk dakevin qadan.
Rêveberiya Xweser a Bakur û Rojhilatê Sûriyê têkildarî êrîşên dewleta Tirk û bombebarana li ser maleke li gundê Helincê yê Kobanê ku 3 jin şehîd bûn, daxuyaniyek da.
Daxuyaniya Rêveberiya Xweser wiha ye:
“Dewleta Tirk 23`yê Hezîranê bi balafireke bêpîlot êrîşî maleke sivîlan ya li gundê Helincê yê Kobanê kir û di êrîşê de 3 jin şehîd bûn û çend kes jî birîndar bûn. Em bang li Rûsya, Emerîka û NY dikin ku helwesteke cidî nîşan bidin. Herwiha em bang li gelê xwe yê li tevayiya herêman û li derveyî welêt dikin ku dakevin qadan û êrîşên dewleta Tirk şermezar bikin. Em sersaxiyê ji malbatên her sê şehîdên xwe re dixwazin.”