Endama Koordînasyona Kongreya Star ya kantona Hesekê Evîn Başo êrîşa dewleta Tirk ya dagîrker ya ser malên sivîlan ku di encamê de 3 jin şehîd bûn, şermezar kir. Evîn Başo got êrîşa ser jinan, hewldana qirkirina nasnameya jinên birêxistinkirî û vîna wan e.
Dewleta Tirk ya dagîrker roja Sêşemê êrîşê maleke sivîlên gundê Helincê yê rojhilatê bajarê Kobanê kir û di encamê de digel endamên Koordînasyona Kongreya Star ya herêma Firatê Zehra Berkel û Hebûn Mele Xelîl, 3 jin şehîd bûn.
Der barê mijarê de endama Koordînasyona Kongreya Star ya kantona Hesekê Evîn Başo diyar kir ku ji dema serkeftina şoreşê ve, êrîşên dagîrkeriyê yên li dijî gelê Kurd ranawestiyane.”
Evîn Başo wiha got: “Armanc dagîrkeran qirkirina nasnameya jinên birêxistinkirî û azad e. Mînaka wê jî êrîşa ser sekretera Giştî ya Partiya Paşrojê ya Sûriyê Hevrîn Xelef e.”
Evîn Başo di axaftina xwe de bêdengiya Rûsya jî şermezar kir û got, bi erêkirina Rûsya ev êrîş çêbûye û bêdengiya wê ji bo şkandina vîna gelên Bakur û Rojhilatê Sûriyê ye.”
Evîn Başo: Hedefa dagîrkeran vîna jinên birêxistinkirî ye
