Çavkaniyan ji hundirê bajarê Girê Spî ragihand ku artêşa Tirk cotkaran neçar dike ku genim derbasî Tirkiyê bikin.
Çavkaniyên ji tirsa girtinê navên xwe diyar nekirin, gotin di çarçoveya siyaseta tirkkirinê ya ku dewleta Tirk dide meşandin de, bi riya “meclisa herêmê” şêniyan herêmê neçar dike ku nasnameyên xwe bi zimanê erebî û tirkî derxin, da hilberînê bi riya malî veguhêzin û di demeke din de pereyan bigirin.
Dewleta Tirk şirketa TMO a Tirkiyê ya veguhastina maliyê ji bo belgekirina navên cotkaran û genimê ku wê bişînin Tirkiyê û paşê perayan bigirin, diyar kir.
Çavkaniyan diyar kir ku artêşa Tirk a dagîrker û çeteyên wê her çiqas lêçûna derxistina wan nasnameyan zêde be jî, xelkê neçar dikin ku wan nasnameyan derxin, da dexil bi bihayekî pir erzan bifiroşin.
Navenda Çavdêriya Mafên Mirovan a Sûriyê(SOHR) meha Çile bîr xist ku artêşa Tirk ji depoyên Dehlîz û Sexrat ên Girê Spî li derdora 20 hezar tonî genim talan kirin û şandin depoyên Rihayê.
