Bi hezaran welatiyên herêma Dêrikê û navçeyên wê cenazeyê şervanê YPG‘ê Yûsif Terkîn li goristana Şehîd Xebat Dêrik spartin axê. Di merasîmê de nasnameyên du şehîdên QSD‘ê hatin eşkerekirin.
Bi tevlêbûna bi hezaran welatiyên herêma Dêrikê cenazeyê şervanê YPG‘ê Yûsif Terkîn (Yilmaz Cizîr) li goristana Şehîd Xebat Dêrik hat veşartin. Meclisa Malbatên Şehîdan nasnameyên şehîdên QSD‘ê Abdullah Kotlo (Tolhildan Xwînrij) û Burhan Yorgan (Dijwar Gever) eşkere kirin.
Di merasima li goristanê de endamê Rêveber ê PYD‘ê Salih Dêrik axivî û got, “Di kesayeta van şehîdan de em cangoriyên azadiyê bîr tînin û ji malbatên wan re sersaxiyê dixwazin. Pêvajoya heyî ya ku Kurdistan tê re derbas dibe yekîtiya li hemberî faşîzma dewleta Tirk û çeteyên wê dixwaze.”
Di dawiya merasimê de şervanan cenazeyê şehîd Yilmaz di nava durişm û tilîliyên dayîkan de spart axê.
