Kongreya Star ji bo şermezarkirina sûcên dewleta Tirk yên li dijî gelê Kurd li Bakur û Rojhilatê Sûriyê û Bakurê Kurdistanê, çalakiyek lidar xist.
Li ser banga Kongreya Star şêniyên bajarê Qamişlo li çerxeriya şerqî (Rojhilatî) bajêr kom bûn û sûcên dewleta Tirk a dagîrker yên li herêmên Bakur û Rojhilatê Sûriyê her wiha li Bakurê Kurdistanê, şermezar kirin.
Di çalakiyê de ji rêveberên Kongreya Star Melîca Heyder daxuyaniyek xwend. Di daxuyaniyê de wiha hat gotin: “Dewleta Tirk a dagîrker êrişî hêrêmên me dike, erdê me darîr dike. Li beramberî vê cîhan bêdeng e. Dewletên dibêjin em parastina mafên mirovan dikin deqeke reş li ser eniya wan e. Ew dewlet li beramberî van sûc û kiriyaran bê deng in.
Em bang li tevayiya jinên cîhanê û rêxistinên jinan dikin ku destwerdanê bikin da sûcên dewleta Tirk bisekinînin û bi yek dengî li dijî van sûcên hovane, bisekinin.”
Çalakî bi durişmên şermezarkirina sûcên dewleta Tirk û silavkirina berxwedana şehîdan, bi dawî bû.
Şêniyên Qamişlo sûcên dewleta Tirk şermezar kirin
