Serokê Misrê Ebdullfetah El-Sîsî bi beşdariya serokê meclisa Parlementeran a Lîbya Eqîle Salih û fermandarê artêşa Lîbya Xelîfe Hefter insiyatîfa çareserkirina aloziya Lîbya, ragihand.
Insiyatîf bi navê Wesîqeya Qahîre hat binavkirin. Bendên wesîqeyê ji aliyê El-Sîsş û Hefter ve hat xwendin.
Çend benden wesîqeyê wiha ne:
-Berdewamkirina xebata komîteya leşkerî (5+5) li Genf bi pêşengiya NY û civaka navneteweyî ku tevayiya aliyên biyanî, çeteyên biyanî ji xaka Lîbya derxin, hilweşandina milîsan û radestkirina çekên wan heta ku hêzên çekdar bikarin bi hevkariya hêzên ewleyiyê erk û xebata xwe ya leşkerî û ewleyiyê li welêt, pêk bînin.
-Her herêm ji her sê herêman navenda hilbijartinê ava bike, tê de endamên meclisa parlementeran û dewletê ku nûnertiya herêman dike, herwiha şêxên qebîleyan, desteya rûspiyan werin avakirin û rêjeya qebûlkirina jin, ciwan, beşên siyasî ji rewşenbîr û sendîqeyan di ber çavan re were derbaskirin ku her sê komîte bi sponseriya NY`yê kom bibin û were erêkirin.
-NY navendên hilbijartinê bi giştî dişopîne da ku rewşa hilbijartina nazmetên ji bo meclisa serokatiyê bişopîne û misoger bike.
