Li Navenda Perwerdeya Navendî ya girêdayî QSD‘ê ya li herêma El-Kesrat a başûrê bajarê Reqayê bi merasimekê 5 dewreyên perwerdeya leşkerî hatin destpêkirin. Dewreyeke taybet ji bo jinên di nava QSD‘ê de ye.
Gelek fermandarên leşkerî, nûnerên rêveberiyên sivîl û xweser ên Bakur û Rojhilatê Sûriyê, şêx û rûspiyên êlên herêmê û endamên Partiya Paşrojê ya Sûriyê tevlî merasima vekirina dewreyan bûn.
Di merasime de ji fermandarên QSD‘ê Heqî Kobanê axivî û vekirina dewreyan li gelên Bakur û Rojhilatê Sûriyê û şervanên tevlî dewreyan bûyîn pîroz kir. Heqî Kobanê ji bo endamên QSDÊ got, “Berpirsyareke mezin ji bo parastina ax, gel û destkeftiyên ku bi saya xwîna hevalên we yên şehîd hatine bidestixin, dikeve ser milên we. “
Di dawiyê de şervanan sonda leşkerî xwar.
QSD‘ê careke din dewreyên perwerdeyê dan destpêkirin
