Rêveberiya Xweser a Bakur û Rojhilatê Sûriyê bi daxuyaniyekê diyar kir ku hikumeta Sûriyê û Rûsya 13`ê Gulanê bi daxuyaniyeke hevbeş gotibûn armanc ji vekirina deriyê Til Koçer veguhestina çekan ji bo “komên Kurdî” û derbasbûna çekdaran û nexweşên Koroanvîrusê, herwiha çalakiyên bazirganî û qaçaxçiyê ne.
Rêveberiya Xweser ev sûcdarî red kir û got, “Ev gotin nayê qebûlkirin û girêdayî helwest û ajandeyên siyasî yên Rûsya û hikumeta Sûriyê ye. Armanc jê dorpêçkirina herêmê ye û pêkanîna zextên siyasî li Rêveberiya Xweser e. Ev helwest nakevin xizmeta berjewendiya gelê Sûriyê.”
Rêveberiyê daxuyand ku Rûsya ji bo girtina dergehê Til Koçber ku ji bo derbasbûna alîkariyên mirovî ji bo herêmê dihat bikaranîn, mafê redkirinê (Veto) bi kar anî û wiha diyar kir: “Li vê herêmê bi milyonan şênî û bi deh hezaran koçber ji bilî kampên Holê û Roj, hene.”
Rêveberiya Xweser: Siyaseta Rûsya û hikumeta Sûriyê nakeve xizmeta gelê Sûriyê
