Zêdetirî 40 rêxistinên Sûriyê bang kirin ku biryareke navneteweyî li dijî Tirkiyê bê dayîn ku dagîrkeriya wê ya li ser xaka Sûriyê bi dawî bibe.
45 rêxistinên Sûriyê bi daxuyaniyeke nivîskî bang kirin ku tala malê Efrîniyan were bidawîkirin, kuştin û revan din bên rawestandin, koçber vegerin warê xwe û herêmê radestî mecliseke serbixwe bikin.
Di daxuyaniyê de teqîna li Efrînê ya 28`ê Nîsana 2020`an çêbûyî ku tê de herî kêm 60 kes miribûn û piraniya wan sîvîl bûn hat bîrxistin.
Rêxistinan di dewama daxuyaniya xwe de diyar kir ku ji destpêka dagîrkirinê ve bi hezaran êrîş li ser gelê Kurd yê li Efrînê hatine kirin. Milkên wan hatine desteserkirin û ev kiryar ji aliye rêxistina Human Rights Watch hatina belgekirin. Herewiha gelek kes hatine girtin û wendakirin. Ev jî ji aliye rêxistina Efû ya navneteweyî hatine belgekirin. Komîteya Lêpirsînê ya navneteweyî ya ji hêla NY ve hatî avakirin di rapora xwe ya dawî de ku Çileya borî belav kiribû, diyar kiribû ku ev kiryar hê dewam dikin. Komîteyê da zanîn ku komên çekdar ên di bin sîwana “Artêşa Niştîmanî ya Sûriyê” de şer dikin sûcên şer dikin.
45 rêxistinan banga bidawîkirina dagîrkeriya Tirkiyê kir
