Rêxistina Freedom Forum navên şehîdan Seed Ehemd nûçegihanê ajansa Hawarê û Mihemed Reşo nûçegihanê kanala Çira TV tevî 9 rojnamevanên din ên ku li cîhanê jiyana xwe jidest dane, li ser malpera xwe kirin nava peykerên sembolîk.
Rêxistinê çîroka 11 mêr û jinekê tevlî peykarên sembolîk yên rojnamevanan kirin. Di nav de rojnamevanên ku di êrîşa balafirên Tirkiyê de li Serê Kaniyê şehîd bûyîn jî hene. Rêxistinê tevayiya rojnamevanên sala 2019’an di şopandina nûçeyan de jiyana xwe jidest dayîn, temsîl kirin.
Dihat payîn ku şahiyeke xelatkirinê li dar bikeve, lê ji ber pandemiya Korona betal bû.
Nûçegihanê ANHA Seed Ehmed di şopandina kerwanê sivîlan ji şêniyên Til Temirê yên ku berê xwe dabûn Serê Kaniyê ji bo şermezarkirina êrîşa Tirkan şehîd ket. Di 13`ê Cotmeha 2019`an de balafirên artêşa Tirk a dagîrker kerwanê sivîlan kirin hedef.
Nûçegihanê Çira TV Mihemed Hisên Reşo piştî şehîdketina Seed Ehmed bi rojekê ji ber birînên xwe yên di encama hedefgirtina balafirên Tirkiyê kerwana sivîlan di 13`ê Cotmeha 2019`an de şehîd ket.
Freedom Forum wêneyên du şehîdan Seed û Mihemed li malpera xwe ya înternetê zêde kirin
