Heşdî Şebî da zanîn ku li herêma Beled û Mekêşêfe yên başûrê Tikrîtê di navbera hêzên wan û çeteyên DAIŞ`ê de şerên dijwar çêbûne û diyar kir ku 10 endamên wan hatine kuştin.
Hêzên Heşdî Şebî li ser mijarên daxuyaniyek parve kir û diyar kir ku bi destekdayîna hêza asîmanî, ji bo şopandina çeteyên DAIŞ`ê herêmên şer dorpêç kir.
Her wiha diyar kir ku di şerên bi DAIŞ`ê re, 10 endamên wan hatine kuştin û gelekên din jî birîndar bûne û ji bo dermankirinê rakirine nexweşxaneyên meydanî.
Heşdî Şebî di 28`ê meha borî de, ji bo paqijkirina çolistana Ekaşat a li ser sînorê Iraq-Sûriyê operasyoneke hevbeş a bi artêşa Iraqê û parêzvanên sînor re, dabû destpêkirin. Operasyon piştî zêdebûna êrişên çeteyên DAIŞ`ê li herêmê, hat ragihandin.
Di şerê DAIŞ`ê de 10 endamên Heşdî Şebî hatin kuştin
