Îstixbarata Tirkiyê dest bi veguhastina çeteyan ji kantona Girê Spî ber bi xaka Tirkiyê ve dike û ji Tirkiyê jî dişîne Lîbyayê.
Navenda Çavdêriya Mafên Mirovan a Sûriyê (SOHR) diyar kir ku îstixbata Tirkiyê dest bi veguhastina endamên komên ser bi Tirkiyê ve ji Girê Spî ber bi xaka Tirkiyê ve dike û ji wir dê wan ber bi Lîbyayê ve bişîne.
SOHR’ê daxuyand ku îstixbarata Tirkiyê ji çeteyên “Artêşa Nîştimanî ya Sûriyê” xwest ku lîsteya navên bi sedan çeteyan diyar bikin da ku wan bişînin şerê li Lîbyayê. Çeteyan jî agahî da komên xwe û li ser vî esasî koman navên 2 hezar û 200 çeteyan pêşkêş kirin, di serî de navên çeteyên Ehrar El-Şerqiyê, Sultan Murad û Artêşa Şerqiyê hene.
Di heman çarçoveyê de SOHR`ê piştrast kir ku Tirkiyê piştgiriya hin çeteyan rawestandiye.
Dewleta Tirk dest bi şandina çeteyan ji Girê Spî ber bi Lîbyayê ve dike
