Şaredariya Gel a Til Hemîsê roja Pêncşemê kolanên navçeyê, navendên ewleyiyê û saziyên Rêveberiya Xweser dezenfekte kirin da pêşî li Koronavîrusê bê girtin.
Şaredariyên gel ê herêma Cizîrê bi hevkariya Şaneya Aloziyê hemleyên paqijkirin û dezenfektekirina bajar û navçeyan didomîne da ku pêşî li belavbûna Koronavîrusê (Covid-19) bigire.
Şaredariya navçeya Til Hemîsê roja Pêncşemê saziyên sivîl, navendên Hêzên Ewlekariya Hundirîn û kolanên navçeyê dezenfekte kirin. Ev cara duyemîn e ku hemleya dezenfektekirinê li navçeyê tê kirin.
Şênî û endamên Hêzên Ewlekariya Hundirîn alîkariya tîmên dezenfektekirinê kir.
Hevserokê Şaredariya Gel a Til Hemîsê Abdulrehman El-Hadî diyar kir ku ew navend, sazî û kolanên navçeyê û bajarokên girêdayî wê dezenfekte dikin û destnîşan kir ku dezenfektekirin dê dewam bike.
Li herêma Cizîrê dezenfektekirin didome
