Rêveberiya Xweser a Bakur û Rojhilatê Sûriyê derbarê girtiyên birîndar û nexweşiyên kronîk ên ku dema bidawîbûna hikumê wan nêz bûye daxuyaniyek da.
Meclisa Sûriya Demokratîk (MSD) roja 4‘ê Nîsanê bi civîneke çapemeniyê avakirina komîteya şopandina dosyaya girtî û revandiyan ragihand. Erka komîteyê rewşa tevayiya girtî û revandiyên li gel tevayiya aliyên Sûriyê bişopîne.
Rêveberiya Xweser a Bakur û Rojhilatê Sûriyê der barê mijarê de daxuyaniyek nivîskî da.
Di daxuyaniyê de wiha hat gotin:”Ji însyatîfa ku Meclisa Sûriya Demokratîk ragihandiye, li ser banga Sekreterê Giştî yê Neteweyên Yekbûyî (Antonio Guterres) û Nûnerê Taybet ê ji bo Sûriya (Geir pederson) ya derbarê berdana girtiyên li gel tevayiya aliyên Sûriyê de ya ji ber xeteriya pandemiya Koronayê li ser jiyana girtiyan, ji ber ku Rêveberiya Xweser a Bakur û Rojhilatê Sûriyê bi qanûnên navdewletî û mafên mirovan girêdayî ye ku êşa Sûriyan sivik bike, Hevserokatiya Meclisa Rêveberiya Xweser a Bakur û Rojhilatê Sûriyê lîsteyek navên girtiyên xwedî exlaq, baş e, birîndar û nexweşên kronîk ên ku dema bidawîbûna hukmê wan nêzîk bûye amade dike da ku berde.”
