3 ciwanên ji Kobanê di hefteyekê de 2 alavên nefeskişandinê bi armanca alîkariya Desteya Tenduristiyê ji bo girtina tedbîrên li dijî Koronavîrûsê, çêkirin.
Ji ber belavbûna Koronavîrusê (Covid-19) û kêmbûna alavên nefeskişandina sinaî li cîhanê bi giştî, hin ciwanên ji bajarê Kobanê hewl dan çareseriyên alternatîf bibînin û bi derfetên xwe alavan çêkin.
Cengîn Yûsiv, Enwer Mustafa û Elî Muslim 2 nimûneyên cuda yên alavên nefeskişandina sinaî bi lêçûneke kêm çêkirin.
Cengîn Yûsiv diyar kir ku armanc ew e ku jimareke mezin ji alavan bê peydakirin, wekî tedbîrekê li dijî Koronavîûrsê ku bilez li seranserê cîhanê belav dibe.
Desteya Tenduristiyê ya Herêma Firatê her du nimûneyan diceribîne da nimûneyekê hilbijêre û bi kar bîne.
Cengîn Yûsiv da xuyakirin ku di hefteyekê de her du alav çêkirin û ji tecrûbeyên gelek welatan ên di vê derbarê de sûd girtin.
Desteya Tenduristiyê ya Herêma Firatê berî demekê navendek ji bo rewşên biguman ên Koronavîrûsê û 2 navendên karantînayê ji bo derketina rewşên vîrûsê, amade kiribûn. Li herêmên Bakur û Rojhilatê Sûriyê alavên nefeskişandina sinaî pir kêm in.
Li Kobanê 3 ciwanan alavên nefeskişandinê çêkirin
