Kesekî ji bajarê Kobanê ji ber vîrûsa koronayê ya nû (Covid-19) li bajarê Bremen ê Almanyayê jiyana xwe ji dest da.
Xalid Mihî El-Dîn Hemo (55) piştî ku bi vîrûsa koronayê ketibû û 10 rojan di nexweşxaneyê de mabû, roja Çarşemê jiyana xwe ji dest da. Hemo ji gundê Zerkotik ê rojavayê Kobanê ye û bavê 6 zarokan e. Berî 3 salan çûbû Almanyayê.
Hat zanîn ku Xalid Mihî di veguhestina pereyan de dixebitî û tevî malbata xwe di karantînayê de bû. Lê belê cîranekî Hemo serdana mala wan dikirin û bi rêya wan ew jî bi Koronavîrûsê ket.
Ev cara yekemîn e ku kesekî ji Kobanê ji ber Koronavîrûsê jiyana xwe ji dest dide.
Heta niha li bajarê Kobanê û gundên wê û li seranserê Bakur û Rojhilatê Sûriyê, ti kes bi Koronavîrûsê neketiye û ti agahiyên derbarê nexweşên din ên ji herêmê ku li derveyî welêt dijîn jî nînin.
