Projeya kanalîzasyona ava şapeyê heta 3 mehan bi dawî dibe

Şaredariya Gel a Kobanê qonaxa sisiya ya projeya kanalîzasyona ava şapeyê ya Taxa Şehîd Serhed didomîne. Şaredarî wê xebatê heta 3 mehan bibe serî.
Digel belavbûna Koronavîrûsê (Covid-19) li welatên cîhanê û qedexeya derketina derve, li herêmên Bakur û Rojhilatê Sûriyê jî Şaredariya Gel a Kobanê projeyên xwe yên stratejîk li gel girtina tedbîrên tenduristî yên pêwîst, temam dike.
Şaredariyê li ser daxwaziya welatiyan û bi armanca sivikkirina pirsgirêkên taxên bajêr yên ji ber şapeyê ji meha Sibatê ve dest bi projeya kanalîzasyona ava şepeyê kiriye.
Ev, projeya hatî mezin ya li Kobanê ye. Di qonaxa yeke û duduyan de ku dawiya havîna borî pêk hatibûn, tore bi dirêjayiya 6 km hat dirêjkirin. Niha xebat di qonaxa sisiyan de bi dirêjayiya 3 km tê meşandin.
Berpirsê projeyê Nayif Cemal Xelî got; “Proje bi xwe rogareke girtî ye. Em hinek zehmetiyan dikişînin, lewre di hin cihan de ji ber zêdebûna toreyên avê û kanalîzayonê ax hildiweşe.