Erzîncan: Civak bi serê xwe dikare xwe ji vê vîrûsê xilas bike

Endama Koordînasyona KJK’ê Besê Erzîncan got; ‘’Dewletan xwest Koronavîrûs belav bibe. Civak bi piştgiriyê dikarin ji vê belayê xilas bibin.’’
Derbarê vîrûsa koronayê de endama Koordînasyona KJK’ê Besê Erzîncan bîr xist ku ji mêj ve nirxandina wê dikirin ku modernîteya kapîatlîst bi sedsala 21’ê re ketiye nava krîzekê, ev krîz ne ji ji bo demeke kurt e, domdar e û krîzên bingehî ne. Erzîncan wiha got: ‘’Pergala hegemonîk a global ketiye zemboqekê û dixitime. Weke ku tê zanîn berî vîrûsa koronayê li her devera cîhanê serhildanên gel, li dijî dewletan û hêzên desthilatan hebûn. Dema mirov li saziyên modernîteya kapîtalîst a van dused salên dawî dinêre, ti caran wekî dema niha nebûbûn saziyên bêbandor, pûç û vala. Weke NYE, YE, parlamentoyên berest, partiyên siyasî û hwd. Em di serdemeke wisa de bûn ku krîzên ekolojîk ji kûr ve bandor li jiyana mirovan dikirin. Niha jî em di vê pêvajoyê de ne.’’
Erzîncan bi domdarî wiha got: ‘’Xuya dike ku ne tesadûf e di pêvajoyeke wiha de nexweşiyên kujer ên weke Koronavîrûsê bikevin rojevê. Hê jî nayê zanîn ka ev vîrûs çawa derketiye holê û çawa derbasî mirovan dibe. Em bala xwe bidinê, her çendî nexweşiyeke kujer e jî, di serî de DYE, Tirkiye û gelek dewletên Ewropayê tedbîrên cidî negirtine.
Dema ku mirov bûyeran tevan analîz bike, mirov dibîne ku pergala hegemonîk bi zanebûn ev vîrûs belav kiriye. Hewl tê dayîn ku bi derxistina nexweşiyên vegirtinê ên kujer bala hêzên demokratîk, azadîxwaz û ekolojîk ên sedsala 21ê û muxaleftê bikişînin û bi dawî bikin. Ji ber wû di rewşa heyî de pêwîst e rengên nû yên têkoşînê yên bi paradîgmaya me ya azadiyê re li hev in û rêveberiyên nû werin geşkirin û berfirehkirin. Ev pêwîstiyek e.