Desteya Kar û Barê Civakî ya Herêma Cizîrê bi daxuyaniyekê belavkirina alîkariyan li herêma Cizîrê ragihand.
Rêveberiya Xweser a Demokratîk ji ber pêşîgirtina li belavbûna Koronavîrûsê (Covid-19) gelek tedbîr girtin û 23`yê Adarê ve qedexeya derketina derve li Bakur û Rojhilatê Sûriyê ragihand.
Ji ber qedexeya derketina derve gelek zirar gihîşt malbatên karkeran ku niha nikarin bixebitin.
Ji ber wê Rêveberiya Xweser a Bakur û Rojhilatê Sûriyê 6`ê Nîsanê, bi mebesta alîkariyê bi welatiyan re dayîna fatoreyên av, kehrebe û paqijiyê heta 2 mehan (Gulan û Hezîran ) betal kirin.
Hevseroka Desteya Kar û Barê Civakî ya Kantona Qamişlo Welîda Botî daxuyaniyek da û daxuyanî bi amedebûna hevserokatî û komîteyên Desteya Kar û Barê Civakî hat dayîn.
Welîda da xuyakirin dest bi belavkirina alîkariyan li hewcedaran kirine. Welîda da zanîn ku wê alîkarî berdewam bin heta malbatên zirar ji qedexeya derketina derve dîtîn, jê re bên pêşkêşkirin.
Desteya Kar û Barên Civakî ya Herêma Cizîrê dest bi belavkirina alîkariyan kir
